5th to 10th Class base General Knowledge

1.1

ANNO DOMINI (AD) & BEFORE CHRIST (BC)

     യേഷു കൃസ്തുവിന്‍റെ ജനനത്തെ അടിസ്ഥാനമാക്കി കാലത്തെ AD, BC എന്ന് തരം തിരിച്ചിരിക്കുന്നു.

AD (ANNO DOMINI)

• ഭാഷ : Latin
• അര്‍ത്ഥം : "In the year of our Lord's birth" (യേശു ക്രിസ്തുവിന്‍റെ ജനന വര്‍ഷത്തില്‍) എന്നാണ് സൂചിപ്പിക്കുന്നത്.
• ക്രിസ്തു ജനനിച്ചതിനു ശേഷമുള്ള കാലമാണ് AD.
• CE (Common Era) എന്നും പറയാറുണ്ട്.

BC (BEFORE CHRIST)

• ക്രിസ്തു ജനിക്കുന്നതിന്‍റെ മുമ്പുള്ള കാലമാണ് BC.
• BCE (Before Common Era) എന്നും പറയാറുണ്ട്.

2. പ്രചീന ഇന്ത്യ

പ്രാചീന ശിലായുഗം (Palaeolithic Age)

• ആദിമമനുഷ്യന്‍ ആയുധങ്ങളും ഉപകരണങ്ങളുമായി ഉപയോഗിച്ചിരുന്നത് പരുക്കന്‍ കല്ലുകളായിരുന്നു, അതിനാല്‍ ഈ കാലഘട്ടത്തെ പ്രാചീന ശീലായുഗം എന്ന് പറയുന്നു.
• തീ ഉപയോഗിക്കാന്‍ തുടങ്ങിയത് ഈ കാലഘട്ടത്താണ്

നവീന ശിലായുഗം (Neolithic Age)

• കൂടുതല്‍ മൂര്‍ച്ചയുള്ളതും മിനസപ്പെടുത്തിയതുമായ ആയുധങ്ങളും ഉപകരണങ്ങളും ഉപയോഗിച്ച കാലഘട്ടത്തെ നവീന ശിലായുഗം എന്ന് പറയുന്നു.
• കൃഷ് ചെയ്യാന്‍ തുടങ്ങി, വാസ സ്ഥലങ്ങള്‍ ഉണ്ടാക്കി, മൃഗങ്ങളെ ഇണക്കി വളര്‍ത്താന്‍ തുടങ്ങിയത് ഈ കാലഘട്ടത്താണ്.

വെങ്കലയുഗം (Bronze Age)

• ചെമ്പ് (താമ്രം) ഉപയോഗിക്കാന്‍ തുടങ്ങി, കല്ല് കൊണ്ടും ചെമ്പ് കൊണ്ടുംമുള്ള ഉപകരണങ്ങളും ആയുധങ്ങളും ഉപയോഗിച്ച ഈ കാലഘട്ടത്തെ താമ്ര ശിലായുഗം (Chalcolithic Age) എന്നും വിളിക്കുന്നു.
• ഈയവും ചെമ്പും ചേര്‍ത്ത് വെങ്കലം (ഓട്) എന്ന ലോഹ സങ്കരം കണ്ടെത്തി, ആയതിനാല്‍ ഈ കാലഘട്ടത്തെ വെങ്കല യുഗം എന്ന വിളിക്കുന്നു.
• കാര്‍ഷികവിഭവങ്ങള്‍ കൈമാറാന്‍ പൊതുസ്ഥലങ്ങള്‍ രൂപംകൊണ്ടു.
• കാര്‍ഷിക ഉല്‍പന്നങ്ങള്‍ സംഭരിക്കാന്‍ തുടങ്ങി.
• ഇക്കാലത്ത് എഴുത്തും വിദ്യയും രൂപപ്പെട്ടു.

chart

വെങ്കലയുഗ സംസ്കാരങ്ങളുടെ കേന്ദ്രങ്ങള്‍

മെസപ്പൊട്ടേമിയന്‍ സംസ്കാരം

• മെസപ്പൊട്ടേമിയന്‍ എന്ന വാക്കിനര്‍ത്ഥം : രണ്ടു നദികള്‍ക്കിടയിലുള്ള പ്രദേശം.
• യൂഫ്രട്ടീസ് - ടൈഗ്രീസ് നദീതടങ്ങളിലാണ് ഈ സംസ്കാരം നിലനിന്നിരുന്നത്. ഈ പ്രദേശം ഇന്നത്തെ ഇറാഖിലാണ്.
• ക്യൂണിഫോം ലിപി
• മെസോപ്പൊട്ടേമിയന്‍ കാലത്തെ ഏറ്റവും പുരാതനമായ ലിപി.
• സുമേറിലാണ് ഇത് ആരംഭിച്ചത്. 
• കളിമണ്‍ പാളികളുള്ള എഴുത്തു പ്രദലത്തില്‍ ആപ്പിന്‍റെ (Wedge Shaped) രൂപത്തിലുള്ള ചിത്ര ലിപി.
• സിഗുറാത്തുകള്‍
• മെസോപ്പൊട്ടേമിയയിലെ ദേവാലയ സമുച്ചയങ്ങളാണ് സിഗുറാത്തുകള്‍
• ചുട്ടെടുത്ത ഇഷ്ടികകള്‍ കൊണ്ട് നിര്‍മിച്ച പുറംഭാഗമാണ്.
• 'ഉര്‍' എന്ന നഗരത്തിലെ സിഗുറാത്തുകള്‍ ഇന്നും സംരക്ഷിക്കുന്നുണ്ട്.

ഈജിപ്ഷ്യന്‍ സംസ്കാരം

• നൈല്‍ നദീതടത്തില്‍ വളര്‍ന്ന്‌വന്ന സംസ്കാരമാണ്.
• ഹൈറോഗ്ലിഫിക്സ് ലിപി
• ചിഹ്നവും അക്ഷരവും കൂട്ടിച്ചേര്‍ത്തുള്ളതാണ് ഈ ലിപി.
• തടിയും പാപിറസും ആണ് എഴുതാന്‍ ഉപയോഗിച്ചിരുന്ന പ്രതലം. 
• പിരമിഡുകള്‍
• ഈജിപ്തിലെ ഫറോവമാരുടെ ശവകുടീരങ്ങളാണ് പിരമിഡുകള്‍
• കുഫു രാജാവ് നിര്‍മ്മിച്ച ഗിസയിലെ പിരമിഡാണ് ഏറ്റവും വലിയ പിരമിഡ്.

ചൈനീസ് സംസ്കാരം

• ഹൊയാങ്ഹോ നദീതടത്തില്‍ നിലനിന്നിരുന്ന സംസ്കാരം
• വെങ്കലയുഗത്തില്‍ രൂപം കൊണ്ട ചൈനീസ് ലിപിയാണ് മാറ്റങ്ങളോടെ ചൈനയില്‍ ഇന്നും നിലനില്‍ക്കുന്നത്.

ഹരപ്പന്‍ സംസ്കാരം

• സിന്ധു നദീതടത്തിലാണ് ഈ സംസ്കാരം നിലനിന്നിരുന്നത്.
• ഇന്ത്യയിലും പാകിസ്ഥാനിലുമായി വ്യാപിച്ചു കിടക്കുന്ന സംസ്കാരം
• അക്കാലത്തെ തെരുവുകള്‍, അഴക്കു ചാലുകള്‍, ധാന്യപ്പുരകള്‍, കച്ചവടകേന്ദ്രങ്ങള്‍, ചുടുകട്ടകള്‍ കൊണ്ടു നിര്‍മ്മിച്ച ബഹുനില വീടുകള്‍ എന്നിവ ഹരപ്പന്‍ സംസ്കാരത്തിന്‍റെ സവിശേഷതകളാണ്.
• മോഹന്‍ജൊദാരൊ, കാലിബംഗന്‍, ലോഥല്‍ തുടങ്ങിയവ സിന്ധു നദീതടത്തിലെ പ്രധാന നഗരങ്ങളാണ്.

• മഹാസ്നാനഘട്ടം (Great Bath)

• ഹരപ്പന്‍ സംസ്കാരത്തിന്‍റെ പ്രധാന ശേഷിപ്പായിരുന്ന മഹാസ്നാനഘട്ടം നിലനിന്നിരുന്നത് മോഹന്‍ജൊദാരൊയിലാണ്.

വേദകാലം BC (1500-600)

• വേദ ഭാഷ - സംസ്കൃതം
• വേദങ്ങള്‍ വാമൊഴിയായാണ് പരാമര്‍ഷിച്ചിരുന്നത്

ഋഗ്വേദകാലം BC (1500-1000)

• ആദ്യം രചിച്ച വേദം - ഋഗ്വേദം
• ഋഗ്വേദകാലത്തെ സമ്പത്ത് - കന്നുകാലികള്‍
• തൊഴില്‍ - കന്നുകാലി വളര്‍ത്തല്‍
• പ്രധാന വിള - ബാര്‍ളി
• കാലികളെ മേച്ചു നടന്ന ആര്യന്മാരുടെ കൂട്ടം "ഗോത്രം" എന്ന പേരിലറിയപ്പെട്ടു
• ഗോത്രത്തിന്‍റെ തലവന്‍ അറിയപ്പെട്ടിരുന്നത് - രാജന്‍
• ഋഗ്വേദകാലത്തെ ദേവന്മാര്‍ - ഇന്ദ്രന്‍, വരുണ്‍, അഗ്നി
• ഋഗ്വേദകാലത്തെ ദേവതമാര്‍ - അതിഥി, ഉഷസ്സ്
• ആര്യന്മാര്‍ ഉപയോഗിച്ചിരുന്ന മണ്‍പാത്രങ്ങളുടെ നിറം - ചാര നിറം

പില്‍ക്കാലവേദകാലം BC (1000-600)

• സാമവേദം, യജുര്‍വേദം, അഥര്‍വ്വവേദം എന്നിവ പരാമര്‍ഷിക്കുന്ന കാലഘട്ടം പില്‍ക്കാലവേദകാലം
• ആര്യന്മാര്‍ പില്‍ക്കാലവേദകാലഘട്ടത്തില്‍ ഗംഗാനദിയുടെ ചുറ്റുമുള്ള പ്രദേശങ്ങളില്‍ എത്തിച്ചേര്‍ന്നു.
• ഇരുമ്പ് ഉപയോഗിച്ച ഈ കാലഘട്ടം ഇരുമ്പ് യുഗം എന്നറിയപ്പെടുന്നു.
• ജനങ്ങള്‍ ഉപയോഗിച്ചിരുന്ന മണ്‍പാത്രങ്ങള്‍ - ചായം തേച്ച ചാരനിറ പാത്രങ്ങള്‍ (Painted Grey Ware)
• ജനങ്ങള്‍ ഈ കാലഘട്ടത്ത് നാല് വിഭാഗമായി - ബ്രാഹ്മണര്‍, ക്ഷത്രിയര്‍, വൈശ്യര്‍, ശുദ്രര്‍ - ഇീ വിഭാഗങ്ങളെ അറിയപ്പെട്ടിരുന്നത് 'ചാതുര്‍വര്‍ണ്ണ്യം' എന്നാണ്.
• യാഗങ്ങള്‍ക്ക് പ്രാധാന്യമുള്ള ആരാധനാരീതിയുള്ള കാലഘട്ടം

മഹാശിലാസംസ്കാരകാലം

    പ്രാചീന തമിഴകത്ത് മൃതശരീരങ്ങള്‍ അടക്കം ചെയ്തിരുന്നത് മഹാശിലകള്‍ കൊണ്ടായിരുന്നു, ആയതിനാല്‍ ഈ കാലഘട്ടം മഹാശിലാസംസ്കാരകാലം എന്നറിയപ്പെടുന്നു.

പ്രാചീന തമിഴകം

• പ്രാചീന തമിഴകം ഭരിച്ചിരുന്നത് -പാണ്ഡ്യന്മാര്‍, ചേരന്മാര്‍, ചോളന്മാര്‍. ഇവരെ അറിയപ്പെടുന്നത് -  "മൂവേന്തന്‍മാര്‍"  എന്നായിരുന്നു.

പാണ്ഡ്യന്മാര്‍

• മധുര കേന്ദ്രീകരിച്ച് ഭരണം നടത്തിയിരുന്നവര്‍
• ഈ കാലഘട്ടത്തില്‍ സാഹിത്യകാരന്മാരുടെ ഒരു കൂട്ടായ്മ പ്രാചീന തമിഴകത്ത് നിലനിന്നിരുന്നു, ഇവരെ 'സംഘം' എന്ന പേരിലറിയപ്പെട്ടു. അതിനാല്‍ ഈ കാലഘട്ടം "സംഘകാലഘട്ടം" എന്നറിയപ്പെടുന്നു.
• പ്രധാനപ്പെട്ട സംഘം കൃതികള്‍

                 ➤പത്തുപ്പാട്ട്

                 ➤പതിറ്റുപ്പത്ത്

                 ➤അകനാനൂറ്

                 ➤പുറനാനൂറ്

•  പ്രാചീന തമിഴകം അഞ്ച് ഭൂവിഗാങ്ങളായി അറിയപ്പെട്ടിരുന്നു, ഇവ "തിണകള്‍" എന്ന് പറയുന്നു.

തിണകള്‍	സവിശേഷതകള്‍
കുറിഞ്ചി	മലകള്‍ / മലയോരങ്ങള്‍
മുല്ല	കാട് / പുല്‍മേട്
പാല	വരണ്ട പ്രദേശം
മരുതം	വയല്‍
നെയ്തല്‍	തീരപ്രദേശം

 മഹാജനപദങ്ങള്‍

      ഗംഗാസമതലത്തില്‍ കാര്‍ഷിക മേഖലകള്‍ രൂപംകൊണ്ടു. കൈമാറ്റ കേന്ദ്രങ്ങളും പട്ടണങ്ങളുമടങ്ങിയ അവ ജനപദങ്ങള്‍ എന്ന് അറിയപ്പെട്ടു. ഇവയില്‍ 16 എണ്ണം അടങ്ങുന്ന ജനപദങ്ങളെ  മഹാജനപദങ്ങള്‍ എന്ന്പറയപ്പെടുന്നു.

• മഗധ, അംഗം, വജ്ജി, മല്ല, കാശി, വത്സം, കോസലം, ചേദി, പാഞ്ചാലം, അശ്മകം, അവന്തി, ശുരസേന, കുരു, മാത്സ്യം,ഗാന്ധാരം, കംബോജം എന്നിവയായിരുന്നു മഹാജനപദങ്ങള്‍

മഗധ

• മഗധയിലെ പ്രധാനപ്പെട്ട ഭരണാധികാരിയായിരുന്നു ബിംബിസാരന്‍
• ഈ കാലഘട്ടത്തില്‍ കന്നുകാലികളെ യാഗങ്ങളുടെ പേരില്‍ കൊന്നൊടുക്കി.
• ഈ അസ്മത്വങ്ങള്‍ക്കെതിരായി ജൈന മതവും ബുദ്ധമതവും ആവിര്‍ഭവിച്ചു,

ജൈന മതം	ബുദ്ധമതം
വര്‍ധമാനമഹാവീരന്‍ പ്രചരിപ്പിച്ചു.  അഹിംസക്ക് പ്രാധാന്യം നല്‍കി പ്രാകൃത ഭാഷ. ജൈനമത തത്ത്വങ്ങള്‍ ശരിയായ ജ്ഞാനം ശരിയായ വിശ്വാസം ശരിയായ പ്രവൃത്തി	ഗൗതമ ബുദ്ധന്‍ പ്രചരിപ്പിച്ചു അഹിംസക്ക് പ്രാധാന്യം നല്കി പാലിഭാഷ. ബുദ്ധമത തത്ത്വങ്ങള്‍ ഇഹലോകജീവിതം ദുഃഖ പൂര്‍ണ്ണമാണ്. ആഗ്രഹങ്ങളാണ് ദുഃഖത്തിന് കാരണം ആഗ്രഹങ്ങളെ ഇല്ലാതാക്കിയാല്‍ ദുഃഖങ്ങളെ ഇല്ലാതാക്കാം അഷ്ടാംഗമാര്‍ഗ്ഗം അനുഷ്ഠിക്കുകവഴി ആഗ്രഹങ്ങളെ ഇല്ലാതാക്കാം.

മൗര്യരാജവംശം

• ചന്ദ്രഗുപ്ത മൗര്യനാണ് മൗര്യരാജവംശം സ്ഥാപിച്ചത്.
• മൗര്യരാജ്യവംശത്തിന്‍റെ ഉപദേഷ്ടാവായിരുന്നു "ചാണക്യന്‍" ഇദ്ദേഹം കൗടില്യന്‍ എന്ന പേരിലും അറിയപ്പെട്ടിരുന്നു.
• ചാണക്യന്‍റെ പ്രസിദ്ധമായ ഗ്രന്ഥം - അര്‍ത്ഥ ശാസ്ത്രം
• മൗര്യരാജവംശത്തിലെ പ്രധാന രാജാവായിരുന്നു അശോക ചക്രവര്‍ത്തി

അശോക ചക്രവര്‍ത്തി

• നമ്മുടെ ദേശീയ മുദ്ര അശോക ചക്രവര്‍ത്തി സാരനാഥില്‍ സ്ഥാപിച്ച സ്തംഭത്തില്‍ നിന്നാണ് ഈ മുദ്ര എടുത്തിട്ടുള്ളത്.
• ജനങ്ങള്‍ക്ക് ഐക്യവും സഹിഷ്ണുതയും വളര്‍ത്തി രാജ്യത്ത് സമാധാനം നിലനിര്‍ത്തുക എന്ന ലക്ഷ്യത്തോടെ അശോകന്‍ സ്വീകരിച്ച നയമാണ് "ധര്‍മ്മം".
• അശോകന്‍ ബുദ്ധമതം സ്വീകരിക്കാന്‍ കാരണമായ യുദ്ധം - കലിംഗയുദ്ധം BC 261

ഗുപ്തരാജവംശം

• ചന്ദ്രഗുപ്തന്‍ ഒന്നാമന്‍, സമുദ്രഗുപ്തന്‍, ചന്ദ്രഗുപ്തന്‍ രണ്ടാമന്‍ എന്നിവര്‍ ഈ രാജവംശത്തിലെ പ്രധാനപ്പെട്ട ഭരണാധികാരികളായിരുന്നു.
• ഗുപ്തകാലത്തെ പ്രധാനപ്പെട്ട സാഹിത്യകാരനായിരുന്നു കാളിദാസന്‍.
• കാളിദാസന്‍റെ പ്രധാനപ്പെട്ട കൃതികള്‍:

               ➤അഭിജ്ഞാനശാകുന്തളം

               ➤മേഘസന്ദേശം

               ➤കുമാരസംഭവം

• നവരത്നങ്ങള്‍ - ചന്ദ്രഗുപ്തന്‍ രണ്ടാമന്‍റെ കൊട്ടാരത്തില്‍ ജീവിച്ചിരുന്ന ഒമ്പതു പണ്ഡിതന്മാര്‍. 

               ➤ കാളിദാസന്‍, ഘടകര്‍പ്പരന്‍, ക്ഷപണന്‍, വരരുചി, വരാഹമിഹിരന്‍,                       വേതാളഭട്ടന്‍, ധന്വന്തരി, അമരസിംഹന്‍, ശങ്കു.

• ചന്ദ്രഗുപ്തന്‍ രണ്ടാമന്‍റെ  കാലത്താണ് ഇന്ന് ഡല്‍ഹിക്ക് സമീപം മെഹ്റൗളിയിലെ ഇരുമ്പുതൂണ്‍ പണികഴിപ്പിച്ചത്.
• നളന്ദ സര്‍വ്വകലാശാല ഗുപ്ത കാലത്താണ് സ്ഥാപിച്ചത്.

വ്യക്തികള്‍	മേഖലകള്‍
ആര്യഭട്ടന്‍	ജ്യോതിശാസ്ത്രം, ഗണിതശാസ്ത്രം
കാളിദാസന്‍	സാഹിത്യം
വരാഹമിഹിരന്‍	ജ്യോതിശാസ്ത്രം
ഭാസ്കരാചാര്യര്‍	ഗണിതശാസ്ത്രം
ബ്രഹ്മഗുപ്തന്‍	ജ്യോതിശാസ്ത്രം